雌雄難辨大肥貓

    美國人戴維斯少時哮喘卧床，母予紙筆期聊以作畫。成年後，戴維仔創下全球矚目之漫畫“加菲貓”。“狗漫畫多矣，我要畫貓！”由是牙擦、招積、口賤、癲喪之肥貓面世。順便執自家阿爺名字以名之，曰“加菲”。四十八年前今日，加菲貓漫畫首刊於報章。

    此貓能人所不能，你敢諗，佢敢做，成為過癮、出氣之偶像，足洩人生悶氣。四十餘年間，全球數千報章連載，忠粉數億。後更拍成卡通，出埋公仔。當年曾有汽車被砸玻璃，不失他物，只失加菲貓公仔。一經報道，四圍有樣學樣，一時成風。

    然此貓數十年間卻惹一爭議：究竟係公係乸？有人曰公，有人謂乸。戴維公索性稱之：唔公唔乸，期平息爭議。然非但無解，更越嘈越熱鬧。

    風頭火勢，欲罷不能。戴維公怕粉絲爭議搞喎生意，最後心生一計，漫畫中加隻貓女。然後同佢定性：加菲貓係公嘅，因佢有女朋友！

    西門公子