積極備戰明星籃球賽

    劉穎鏇許家傑被封神隊友

    無線明星隊隊長、籃球女神劉穎鏇近日率領譚俊彥、張振朗、何廣沛、許家傑、戴祖儀、孔德賢、周志康、潘靜文、劉頌鵬、劉詠彤等人為“明星籃球精英隊表演賽 · 廣州站”密密練波。隊長劉穎鏇與許家傑被眾人寄予厚望，視為“神隊友”。

    劉穎鏇表示以往未試過在內地比賽，知道今次會在天河體育中心體育館作賽，心情有點緊張。雖然她近期比較少練波，但為了今次有更好表現，每星期最少都練習一次，大家都很團結去練習，非常期待。她笑言：“反而我覺得同男仔打波會好啲，因為佢哋會錫住我哋。”她又大讚隊友會互相補位，而且已經培養好默契，希望到時每人都可以得分。

    在旁的張振朗(Owen)則表示今次比賽是要“搵初戀”：“今次參加比賽我想搵返初戀，自從十三歲夏天同籃球結緣之後，我好耐都冇打過喇。而且我十三開始就有個籃球夢，所以我今次唔係嚟比賽，我係嚟尋夢。”

    戴祖儀也笑言：“我已經買咗兩個啦啦球，準備做啦啦隊同大家打氣，我唔會落場口架。”然後她即場射籃豈料射失，她自嘲：“我角度係有，但係冇力之嘛，如果我有埋力鋪鋪做神射手都唔知你哋點算。”

    雖然練習時有講有笑，但何廣沛表示今次比賽心情緊張，因為未知對手實力如何。以前在橫店拍劇時也曾與當地的學生打籃球：“當地啲學生好勁，個個都好高大，手長腳長。”他又笑言：“籃板王我應該攞硬，我好有信心，呢幾次練波都有一個二米高嘅對手訓練我彈跳力，依家我跳到兩個膝頭傷晒，就快變‘雙失’喇。”

    許家傑表示雖然未試過在內地打籃球賽，但有留意國家隊表現。特別是女籃，每一位運動員都很高，高自己成個頭；許家傑說自己從小打籃球，雖然近年轉跑馬拉松、Pickleball，不過自己有球隊所以沒有生疏。