朱晨麗認有對象了解中

    陳庭欣(Toby)和好友朱晨麗(朱朱)日前接受訪問，Toby謂兩人有個朋友Group，間中會相約食飯見面。最近約滿無線的朱朱，日前在廣州舉行首個個唱，朱朱否認轉戰當歌手，只是想突破自己，覺得當歌手很好玩，但亦有難度。有網民指她未有代表作歌曲就開騷，她覺得正常：“個騷度唱翻唱歌，同唱咗首未發佈嘅國語歌《你的微笑》，因為好快咁做首歌，暫時未知幾時正式發佈，其實唔係因為巡唱先做呢首歌，只係有機會咪試吓囉，都係啱啱開始，未知用咗幾多錢，（做多幾首代表作？）努力吓，爭取由第一首開始先啦，凡事由零開始。”

    朱朱說有斟洽不同範疇的工作，初期都遇上不少困難， 但多得身邊朋友幫忙。可有男朋友支援？她坦言有男性朋友幫手：“有曹永廉……崔建邦、個唱嘉賓關楚耀，自己經常忘記人名，可能睇手機太多有腦霧。”關於早前傳出婚訊，朱朱帶笑反問：“連我都唔知喎，呢啲謠言唔好傳 ，之前都講過有個圈外了解中嘅男性朋友，係香港人，朋友介紹嘅，係咪做生意就唔透露喇，其實都冇乜人知。” Toby則說不知朱朱有了解中的對象，又以過來人身份勸她要用長時間了解對方。Toby笑說：“我就係用好耐時間都未了解到，所以唔急。”