吳業坤開工作室呻燒錢快

    吳業坤（坤哥）前日出席足球活動，期間坤哥與機械人和小朋友一起踢足球。坤哥受訪時，被問到與小朋友玩完是否都想即刻生個，他笑說：“即刻唔想生小朋友，搞唔掂，玩就好開心，湊就有啲驚，有時會諗自己性格可唔可以做爸爸呢？可能仲要啲磨練，依家二人世界都好開心，就算照顧寵物都也體會到辛酸，如果有小朋友後唔知會點呢？”說到他可請媽媽幫手湊B，坤哥稱不想假手於人，想睇住小朋友成長。

    他又以湊B來比喻最近開設工作室，都想一手一腳去處理：“依家開始籌備新歌，學做幕後，發現有好多挑戰，自己好怕計數，原來銀行啲數字係可以消失得咁快，公司之前可以無限量咁出歌係好犀利，依家自己做真係就住就住。”他笑言以前經常與人拍膊頭，現在就發現做音樂產業該付出就一定要付出。問到至今燒了多少錢？他坦言已燒了六位數積蓄，幸好有其他工作收入，唯有自己慳一點，原本之前有打算換車，但之後就打消了念頭，覺得還是實際點做投資比較好。

    坤哥稍後將會與胡鴻鈞去美加登台，今次老婆也會隨行，工作完後會與太太留低旅遊，之後返港就要準備拍攝新劇《枱底人生》。